أٌثبتت الدراسات بأن لدى الأطفال قدرة على تطوير التنظيم الذاتي لمشاعرهم مع الوقت.
سمعتو شي مرة عن التنظيم الذاتي للمشاعر؟
قدرة الأطفال بتطور على التنظيم الذاتي لمشاعرهم مع الوقت.
حيث بعمر ال4 ، بيبدأ معظم الأطفال باستخدام استراتيجيات لاستبعاد المحفزات الخارجية المزعجة. متل أنو يغطّوا عيونن لما بحسو بالخوف أو يسدوا آذانهن لما بيسمعوا ضجة عالية.
وبعمر ال10 ، بصيروا يتعلموا استراتيجيات أكتر تعقيد للتنظيم العاطفي الذاتي.
كل هاد حكي يمكن صعب الفهم أو التطبيق ، رح نشرح بطريقة ابسط ..
كيف منحفز الذكاء العاطفي لأطفالنا؟
يعتبر الذكاء العاطفي مؤشر قوي للنجاح في المستقبل، بالتالي تحفيز هالشي بيضمن” اقل ما يمكن ” طفل عندو قدرات مميزة .
عنا 4 أنماط مختلفة يستجيب بها الأهل لمشاعر أطفالهم
_التجاهل: اغلب الحالات منتجاهل مشاعر الطفل ، ومنحاول نلهيه ب اي شي بيرضيه فكرا مننا انو نحنا عالجنا المشكلة ونحنا منكون عم نشكل شي اكبر واخطر
-_الرفض: منتعامل مع رفض الطفل على انو شي سلبي و بدو عقاب ، ومنتجاهل ماورائيات رفض الطفل لشئ معين وما منحاول نفهم الأسباب الأهم
-التقبُّل: بيتم قبول مشاعر الطفل، من دون مساعدتو على حل المشكلة أو تدريبه على السلوكيات المناسبة لضبط مشاعرو
-الارشاد العاطفي: بيتعامل المربين يلي يستخدمو هالأسلوب بصبر ورويّة مع مشاعر أبنائهم
ويقدرونها كفرص للتجربة والتطور، وبناء علاقات من الثقة مع أبنائهن.
بيعتمد هذا الأسلوب على تسمية وتعريف المشاعر، وتطوير مهارات حل المشكلات في المواقف اللي بتعترض الطفل.
وتبين انو الأطفال يلي بيستخدمو آبائهم وأمهاتهم أساليب الارشاد العاطفي هنن أكتر صحة، وتفوقاً دراسياً، وأكتر قدرة على انشاء العلاقات الاجتماعية، والاحتفاظ بالصداقات.
وعنا 5 خطوات فينا نتبعها لتحفيز الذكاء العاطفي لاطفالنا :
الخطوة 1:
كونوا على علم بمشاعر أطفالكم.
الآباء والأمهات القادرين على تقديم الإرشاد العاطفي لأطفالن بكونوا واعيين بشكل كامل لهالمشاعر وقادرين على استشفافها قبل ما يتم التعبير عنها بسلوكيات حادة أو عنيفة.
الخطوة 2: التعامل مع المشاعر كفرصة للتواصل والتعلم.
مشاعر الأطفال ليست إزعاجا أو تحدي.
هي فرصة للتواصل مع أطفالكن وتدريبهم على التعامل مع مشاعر تمثل تحديات بالنسبة لهم.
الخطوة 3: انصتوا، وأسمحوا للمشاعر بالظهور.
أعطوا أطفالكن الاهتمام الكامل وهنن عم يحكوا عن مشاعرهن.
وانصتوا لما بين السطور والكلمات.
الخطوة 4: سمّوا المشاعر بأسمائها.
بعد ما تستمعوا الهن بشكل كاف، ساعدوهن على تطوير الوعي والمفردات لوصف مشاعرهن.
الخطوة 5: ساعدوهن على التفكير بحلول، مع وضع الضوابط الملائمة.
كل المشاعر مقبولة ولكن ليست كل السلوكيات.
ساعدوا أطفالكن على التعامل مع مشاعرهن من خلال تطوير مهارات حل المشكلات.
حددوا معهن بعض السلوكيات المناسبة للتنفيس والتعبير عن مشاعرهن
طفلك أمانة بين ايديك ، وكل ما تعبت عليه ومعو اكتر كل ما كانت النتائج احلى و بتوعد بمستقبل باهر لاطفالنا وللكون كلو ❤️
#EdTec_acadmy
#الذكاء_العاطفي_عند_الاطفال
#كيفية_تحفيز_الذكاء_العاطفي
#تعلم
https://www.webteb.com/:المصادر
إعداد: زبيدة سلمان